તસ્વીર ને જોઈને તને શું વળશે?
એ સ્પંદન તને ક્યાંથી મળશે?
રુબરુ હું ને તું, એ ખળખળ વહેતી ધારા!!
કચકડાંની પટ્ટીને વળી વહેણ ક્યાં મળે?
આમને સામને તો રોજે જ ફેલાતું રોમાંચીત રોમ !!
સુવાળાં ચિત્રને વળી એ પ્રેમ ક્યાં મળે??
આંખનું આંખથી ધેરાતુંએ ગુલાબી ધુમ્મસ,
રંગીન ચિત્રપટ્ટીને વળી એ ભીનાશ ક્યાં મળે??
ટેરવાંનાં એ" સ્પર્શથી મચતો એ ખળભળાટ,
તસ્વીરનાં ઠંડા કાગળને તારા ટેરવાં, એ સ્પર્શ શું આપે?
*બ્રિંદા*

તારા અવાજન મને બીક લાગે,

જાણે તું એક ગરજતો વાદળ જે,
તૈયારીમાં ધોધમાર વરસવા મારા પર !

ગરજતો થરકતો અવાજ તારો જે.
થરકતો કાયમ મારા હૃદયની ધડકનો પર!!

જાણે તું એક ગરજતો સાગર જે ,
ઉછળી-કુદીને તૈયાર કિનારા પાર કરવા પર!

ભીષણનાદ-શીતસીકરોથી આવેગવંતો જે,
ઘૂમી વળતો મારા નસનસના આવેગો પર !

જાણે તું એક ચેતનવંતો અસવાર જે,
સીકંદરની જેમ, વિશ્વને જીતવા પર !

જાણે આવતો અવાજ તારો જાય મારા હૃદયના રસ્તે જે,
ખળભળાટ મચાવે મારા સમગ્ર અસ્તિત્વ પર!!

તારા અવાજ્ની મને બીક લાગે ..............!!


**બ્રિંદા**

શબ્દોને તું કાંતે છે...! શબ્દોને તું કેટલું ચાળે છે !?
તારી બિલ્લોરી આંખોની આરપાર તેને વિંધે છે...!

શબ્દોનાં તળીયે વારેવારે ડુબકી લગાવે છે,શબ્દોમાં તું બહુ તરે છે,
પણ અંતે તું શું કાયમ મોતી પામે છે??

શબ્દો પડ્યા મો'એથી તે તું ઝીલીઝીલીને ને ડુંગરો બનાવે છે !
શબ્દોની મિઠાસને મારીને તેને ઝીણીઝીણી વાટીને જાણે તીખી બનાવે છે !!

શબ્દો તો ગુલાબ ને જાણે ગુલાબ જળ છે,તેની ભીનાશ અનુપમ છે !
ને તું ખુશ્બુ ની બદલે કાંટા લે છે !!

શબ્દોનાં ઝુલા પર ઝુલતી હું તો આભની અટારીએ ઝુલું,
ને તું ઝુલવાને બદલે તેમા કેમ ફંગોળાય છે??
**બ્રિન્દા**